Օտարվող Գույքեր...Որտեղից են եկել և ուր են գնում

Առաջին անգամ հայկական մի շարք բանկեր՝ MyRealty.am անշարժ գույքի կենտրոնացված շուկայի հետ համատեղ, վերոնշյալ կայքում Ձեզ են ներկայացնում բանկերի կողմից օտարվող գույքերի մեծ ցուցակ:

ՀՀ-ում անկախության հետ միասին հաստատվեց շուկայական տնտեսություն: Նախկին հասարակարգում սեփականության իրավունքը սահմանափակ էր. անշարժ գույքային իրավունքը հիմնականում պատկանում էր պետությանը, և հետևաբար, անձանց համար իրավական տեսակետից զգալի ռիսկեր չկային: 1991 թ. սկսվեց հողի սեփականաշնորհումը, ինչին հաջորդեց բնակարանների սեփականաշնորհումը՝ որպես արդյունք ձևավորելով անշարժ գույքի շուկան:
Հայաստանի Հանրապետությունում անշարժ գույքի շուկայի ձևավորման հետ մեկտեղ առաջացան դրանց շարժի` օտարման (վաճառքի, նվիրատվության), գրավադրման, վարձակալության և այլ եղանակներով գույքի տնօրինման, տիրապետման և օգտագործման գործընթացներում գույքի իրավական պահպանման խնդիրներ: Անխուսափելիորեն առաջացան սեփականատերերի և այլ իրավատերերի իրավունքների պաշտպանության, անձանց իրավունքների չարաշահումից խուսափելու, կեղծ գործարքներից անձանց ապահովագրելու հարցեր:

Անշարժ գույքի կադաստրի պետական կոմիտեի շուկայի վերլուծության տվյալների համաձայն՝ 2012թ. փետրվարին, անշարժ գույքի նկատմամբ իրականացված 3015 օտարման գործարքների 78.2%-ը կազմել են առքուվաճառքները, 21.1%-ը` նվիրատվությունները և 0.7%-ը` փոխանակությունները:

Անշարժ գույքի օտարման գործարքների քանակի 38%-ն արձանագրվել է Երևան քաղաքում, իսկ օտարված անշարժ գույքի 39.2%-ը հանդիսանում են բազմաբնակարան բնակելի շենքերի բնակարանները: 2012թ. հունվարի համեմատ, 2012թ. փետրվարին  անշարժ գույքի օտարման գործարքների քանակը նվազել է 20.1%-ով, իսկ 2011թ. փետրվարի համեմատ` 14.8%-ով:

ՀՀ-ում Օտարվող Գույքի մասին օրենքը ընդունվել է 2006 թ-ի նոյեմբերի 27-ին՝ որպես “ՀԱՍԱՐԱԿՈՒԹՅԱՆ ԵՎ ՊԵՏՈՒԹՅԱՆ ԿԱՐԻՔՆԵՐԻ ՀԱՄԱՐ ՍԵՓԱԿԱՆՈՒԹՅԱՆ ՕՏԱՐՄԱՆ ՄԱՍԻՆ” օրենք:

Ելնելով վերջին ամիսներին  Օտարվող գույքերի նկատմամբ հետաքրքրություն ցուցաբերած  վիճակագրական տվյալներից՝ MyRealty.am-ը պատրաստվում է շարունակել համագործակցությունը  բանկերի հետ: Կայքում հատկացված առանձին բաժնում  կցուցադրվեն ՀՀ-ում առկա օտարվող գույքերի ցանկը` ներկայացված տարբեր բանկերի կողմից:

Սա հնարավորություն է տալիս մարդկանց ծանոթանալու ՀՀ բանկերի սեփականություն հանդիսացող գույքերի ցանկին, որոնք պարբերաբար թարմացվելու են,  ունենալու վերջիններիս մասին մանրամասն տեղեկատվույթուն և, ինչո̉ւ ոչ,  դրանք ձեռք բերելու ԲԱՑԱՌԻԿ ՀՆԱՐԱՎՈՐՈՒԹՅՈՒՆ:

Բայց այստեղ հարց է ծագում` ինչու է ժողովրդի մեջ մտած «Նաֆսոտ Գույք» գաղափարը? Իրականում այդպես է , թե պարզապես սնահավատություն:
Ճիշտ է սնահավատությունն իրենն անում է: 
Բայց մի բան հաստատ է,որ  գույքի և  ,ինչպես նաև,   ցանկացած իրի կորուստը ` դա մարդկանց սխալ հաշվարկների և ոչ ճիշտ որոշումների արդյունքն է:

Հետևությունները թողնում ենք Ձեզ վրա: