ՀՀ կառավարություն.Կբարձրանա անշարժ գույքի կադաստրի սպասարկման որակը

ՀՀ կառավարությունն իր ավելի վաղ ընդունած որոշումներից մեկում կատարել է փոփոխություններ, որոնց համաձայն ՀՀ ԿԱ անշարժ գույքի կադաստրի պետական կոմիտեի աշխատակազմի մարզային և տարածքային ստորաբաժանումների, սպասարկման գրասենյակների վարչական տարածքների ընթացիկ նորոգման աշխատանքը ձեռք կբերվի «Գնումների մասին» ՀՀ օրենքով նախատեսված բանակցային ընթացակարգով, ինչի շնորհիվ կբարելավվեն աշխատանքի պայմանները, կբարձրանա աշխատանքի արտադրողականությունը և սպասարկման որակը: 
Կառավարությունն իր նիստում ընդունել է գույք օտարելու որոշում, որի համաձայն «Հանա տրանս» ՍՊԸ կողմից ԼՂՀ-ից ածխի տեղափոխումն արդյունավետ կազմակերպելու համար նախատեսվում է Վարդենիս քաղաքում գտնվող երկաթգծի նախկին հյուրանոցի շենքը ուղղակի վաճառքի ձևով օտարել «Հանա տրանս» ՍՊԸ-ին:՝ Ածուխն օգտագործվելու է Երևանի ջերմաէլեկտրակայանի հին կայանում ջուր-ածխային վառելիքով էլեկտրաէներգիայի արտադրության նպատակով: 
Կառավարության որոշմամբ ՀՀ գյուղատնտեսության նախարարության երկու ՊՈԱԿ-ների ավելի քան 140 մլն դրամ արժեքով գույքը սեփականության իրավունքով հանձնվել է «Հայկական գյուղատնտեսական ակադեմիա» ՊՈԱԿ-ին՝ իբրև աջակցություն նյութատեխնիկական և լաբորատոր բազաների ամրապնդման ու համալրման: 
ՀՀ կառավարությունը հավանություն է տվել Հայաստանի Հանրապետության և Եվրոպական ներդրումային բանկի միջև ստորագրված «Հայաստանի փոքր համայնքների ջրային ծրագիր» ֆինանսավորման պայմանագրին: Ծրագիրն ուղղված է Տավուշի, Լոռու, Շիրակի, Գեղարքունիքի, Կոտայքի, Սյունիքի և Վայոց ձորի մարզերի քաղաքային և գյուղական մի շարք բնակավայրերի ջրամատակարարման և ջրահեռացման համակարգերի առավել կենսական միջոցառումների իրականացմանը, ջրամատակարարման բարելավմանը, ինչպես նաև Դիլիջան և Ջերմուկ քաղաքներում եղտաջրերի մաքրման կայանների և կոյուղու կոլեկտորների վերականգնմանը: Ծրագիրն սկսվել է 2012 թվականին և նախատեսվում է ավարտել 2015-ին: 

Source: http://www.nt.am

Read More

Hyatt Հյուրանոցների Ցանցը Երևանում Հյուրանոց Կբացի

«Հյաթ» (Hyatt) հյուրանոցային ընկերությունը հայտնել է, որ համաձայնություն է ձեռք բերել «Գինեքար» ՍՊԸ-ի հետ Երևանում «Հյաթ Փլեյս» (Hyatt Place) հյուրանոց բացելու վերաբերյալ, հաղորդում է «Դը ֆայնենշըլ» լրատվականը: «Հյաթ Փլեյս Երևան» (Hyatt Place Yerevan) հյուրանոցը կդառնա «Հյաթ» ընկերության առաջին հյուրանոցը ԱՊՀ երկրներում և երրորդ հյուրանոցը Եվրոպայում՝ «Հյաթ փլեսյ Ամստերդամ օդանավակայանից» (Hyatt Place Amsterdam Airport) և «Հյաթ փլեյս Ցյուրիխ օդանավակայանից» (Hyatt Place Zurich Airport) հետո: 

Հյուրանոցի բացումը նախատեսված է 2013թ-ի գարնանը: Այն կունենա 96 հյուրանոցային համար, 120 քառակուսի մետր մակերեսով կոնֆերանս-դահլիճ, ինտերնետ-սենյակ՝ համալրված 4 աշխատատեղով, շուրջօրյա ճաշարան՝ տարատեսակ խորտիկներով և պատրաստի կերակուրներով, ռեստորան՝ նախաճաշի, ճաշի և ընթրիքի համար, բար և ֆիթնես կենտրոն: Հյուրանոցը կգտնվի Երևանի սրտում, Հանրապետության հրապարակի, Կառավարության շենքի, Արտաքին գործերի նախարարության, Ազգային պատկերասրահի հարևանությամբ, Աբովյան փողոցի սկզբում: 

«Մենք ուրախ ենք ներկայացնել «Հյաթ փլեյս» բրենդը, որն ակտիվորեն զարգանում է: «Հյաթ փլեյս Երևան»-ի բացումը «Հյաթ»-ի համար կարևոր սկիզբ է, քանի որ մենք սկսում ենք ներդնել բրենդը ողջ աշխարհում»,-ասել է Եվրոպայում «Հյաթ Ինթենեշնըլի» (Hyatt International) զարգացման գծով ավագ փոխնախագահ Փիթեր Նորմանը: 

«Գինեքար» ընկերության կառավարիչ Սամվել Սարգսյանը ի պատասխան հայտարարել է. «Մենք հպարտանում ենք, որ Հայաստանում «Հյաթ փլեյս» ենք բացում: Այս բրենդը յուրահատուկ և թարմ հայեցակարգ է ներկայացնում և մենք կարծում ենք, որ դա այնպիսի հյուրանոց կլինի, որը կսպասարկի գործարարների ու զբոսաշրջիկների»: 

Read More

Լավագույն քաղաքների վարկանիշային աղյուսակը կոմերցիոն անշարժ գույքի ներդրումների համար

Երկրորդ տարին անընդմեջ Նյու Յորքը դառնում է կոմերցիոն անշարժ գույքի ներդրումների աշխարհի խոշորագույն շուկան: Cushman & Wakefield ընկերության տվյալներով՝ «Տնտեսական աճի համար պայքարում հաղթած քաղաքների» ցուցակում ներդրումների ընդհանուր գումարը, որը Նյու Յորք է մտել առևտրային անշարժ գույքից 12 ամիսների ընթացքում կազմում է $34.7 միլիարդ դոլար, ինչը 18.9%-ով ավել է 2010-2011 թվականների նույն ժամանակաշրջանի ցուցանիշից:
Երկրորդ տեղը զբաղեցրել է Լոնդոնը, որը հաշվետու ժամանակաշրջանի ընթացքում ստացել է առևտրային անշարժ գույքի $29.3 միլիարդ դոլարի ներդրումներ (տարեկան կտրվածքով 3.8% աճ):
Երրորդ տեղը բաժին է հասել Տոկիոյին, որտեղ առևտրային անշարժ գույքի ներդրումների ծավալը կազմել է $ 23.9 միլիարդ դոլար:
Չորրորդ և հինգերորդ տեղերը զբաղեցրել են Փարիզը ($19,4 մլրդ.) և Լոս Անջելեսը ($17 մլրդ.): Նրանց հետևում են Հոնգկոնգը, Սան Ֆրանցիսկոն, Տորոնտոն, Շանհայը և լավագույնների տասնյակը եզրափակում է Սինգապուրը: Երկրորդ տասնյակում են հայտնվել Սթոկհոլմը, Սիդնեյը, Սեուլը, Բեռլինը, Մոսկվան, Ֆրանկֆուրտը, Մյունխենը, Ամստերդամը, Մելբուռնը և Պեկինը:

http://travelnews.am

Read More

Կառավարությունը վաճառեց ԱԳՆ-ի շենքը

Ինչպես հայտնում է CivilNet.am-ը կառավարության այսօրվա՝ հոկտեմբերի 4-ի նիստին գործադիրը հավանություն է տվել պետգույքի կառավարման վարչության պետ Արման Սահակյանի ներկայացրած «Պետական գույքն օտարելու մասին» որոշման նախագծին, որի համաձայն` նախատեսվում է Երևան քաղաքի Կառավարական թիվ 2 մասնաշենք հասցեում գտնվող 14241,9 քառ. մետր մակերեսով շենք, շինությունները և դրանց սպասարկման և օգտագործման համար հատկացված հողամասի պետական բաժնեմասն ուղղակի վաճառքի ձևով օտարել «Տանգո» փակ բաժնետիրական ընկերությանը՝ 51,271,006 ԱՄՆ դոլարին համարժեք դրամով:

ԱԳՆ-ն տեղափոխվելու է այլ շենք, իսկ ԱԳՆ արդեն օտարված շենքը կծառայի որպես հյուրանոց:

Նշենք, որ «Տանգո» ՓԲԸ-ն ՀՀ պետռեգիստրում գրանցվել է 2006թ. օգոստոսի 8-ին: 

Read More